ჯეისი.

                                                                                ჯეისი.

შარმით და ტრანსფორმირებადი ჩაქუჩით შეიარაღებული ჯეისი, ცხოვრობ რათა დაიცვას მისი სამშობლო პილტოვერი. მანამ სანამ მას პილტოვერში გმირად აღიარებდნენ, იგი ახალგაზრდა იმედისმომცემი გამომგონებელი იყო. პილტოვერმა ჯეისს გაურკვეველი წარმომავლობის კრისტალის შესწავლა დაავალა. გარკვეული ექსპერიმენტების შემდეგ ჯეისი მიხვდა რომ, კრისტალის მეშვეობით არნახული ძალის იარაღის შექმნა შეიძლებოდა. ხმები ამ კრიტსალზე მალე გავრცელდა და საბოლოოდ ჯეისთან მივიდა ზაუნის მეცნიერი ვიქტორი, რომელმაც შესთავაზა მას ერთობლივი მუშაობა კრისტალზე, რათა მიეღოთ ყველაზე დახვეწილი და არნახული ძალის მქონე იარაღი. ჯეისმა იცოდა, რომ ზაუნი არ იყო ნორმალური ქალაქი და ეს ძალა შეიძლება ბოროტი მიზნებისთვის გამოეყენებინათ, ამიტომ უარით გაისტუმრა ვიქტორი. ზაუნის მეცნიერი არ აპირებდა უკან ხელცარიელი დაბრუნებულიყო, მან ჯეისი თავისი მექანიზმით დროებით დააბრმავა და კრისტალი ზაუნში წაიყო. გონზე მოსულმა ჯეისმა პილტოვერის მთავრობას პასუხის გაცემა მოსთხოვა ზაუნისთვის, მაგრამ იგი უარით გაისტუმრეს, რადგანაც მსგავსი ქმედება მათ აგრესიად ჩაეთვლებოდათ.ჯეისი მიხვდა რომ, მას მარტოს მოუწევდა ქმედება, რადგანაც წინააღმდეგ შემთხვევაში პილტოვერი არასდროს იქნებოდა დაცული.

ჯეისი დაბრუნდა თავის ლაბორატორიაში და ხანგრძლივი და დამღლელი გამოკვლევების შემდეგ მან მიიღო მისი გენიალური ქმნილება, მერკურის ჩაქუჩი. ახალი იარაღით შეიარაღებული ჯეისი, ზაუნის ქალაქში წავიდა კრისტალის დასაბრუნებლად. ვიქტორის ქვეშევრდომებმა მისი შეჩერება სცადეს, მაგრამ მან ისინი თავისი ჩაქუჩით განგმირა. ლაბორატორიის შინგით ჯეისმა ნახა რომ, ვიქტორს კრისტალის ენერგიის წყალობით ძლიერი მექანიზმები ჰქონდა უკვე შექმნილი. იგი მიხვდა რომ, ერთადერთი გამოსავალი კრისტალის განადგურება იყო, მაგრამ მის გზაზე იდგა ვიქტორი. სასიკვდილო ორთაბრძოლაში ჩართული მეცნიერებიდან ორივე დაჭრილი იყო, ჯეისმა საბოლოო ძალები მოიკრიბა და მოახერხა კრისტალის განადგურება. მანამ სანამ ვიქტორის ლაბორატორია ცეცხლში იწვოდა და ზაუნელი მეცნიერი მისი ქმნილებების გადარჩენას ცდილობდა, ჯეისმა გამოქცევა მოახერხა. შინ გამარჯვებით დაბრუნებულ ჯეისს პილტოვერის ხალხი დახვდა და მათ იგი გმირად აღიარეს. ჯეისი გახარებული იყო მისი გამარჯვებით, მაგრამ ამავდროულად ხვდებოდა რამ ამ გამარჯვებამ მის ხალხს მტრები შესძინა. დღესდღეობით ჯეისი პილტოვერის სახელით ლეგენდების ლიგაზე იბრძვის თავისი ხალხის სახელის დასაცავად.

წყარო:Jayce Lore.

This page contains translation from English to Georgian language. Lore text was taken from this source and all rights for original text goes to riot: Jayce Lore.